ТАНИЛЦУУЛГА

        Монголын Мэргэшсэн Орчуулагчдын Хөгжлийн холбоо нь үйл ажиллагаагаа явуулж эхэлснээс хойш Удирдах зөвлөлийн таван гишүүнтэйгээр эрх бүхий байгууллагаас зохих ёсны зөвшөөрлийг авч түүний үндсэн дээр холбооны зорилго, зорилтыг хангахаар ажиллаж байгаа сайн дурын гишүүнчлэл бүхий байгууллага юм. Одоогоор тус холбоонд мэргэшсэн 2 000 гаран гишүүн элсэж тамга, гэрчилгээ, үнэмлэхээ гардан авч үйл ажиллагаагаа явуулж байгаа. Тус холбоотой хамтран ажиллахаар гадаад, дотоодын олон байгууллага саналаа ирүүлээд байгаа бөгөөд ийнхүү холбооны хамтран ажилладаг байгууллагуудын захиалсан ажлыг ММОХХ-ны гишүүн өөрийн тогтоосон үнэ, хөлсний дагуу хийж гүйцэтгэх боломжтой байдаг.

        Монголын Мэргэшсэн Орчуулагчдын Хөгжлийн Холбоо нь тус холбооны нэрийн өмнөөс албан ёсны нийтлэг орчуулгын үйл ажиллагаа эрхлэх эрхийг олгож, орчуулгын ажил үйлчилгээ явуулах чадвартай, сонирхолтой иргэн, хуулийн этгээдэд энэ нь нээлттэй  байна. Тус холбооны мэргэшлийн шаардлага хангасан иргэн, хуулийн этгээд нь ММОХХ-ны гишүүн, орчуулагч  болж тус холбооны орчуулгын товчооны тамга хугацаагүй эзэмших эрхийг эдэлнэ.

ММОХХ-ны Удирдах зөвлөлийн гишүүд:

1. Б. Тэгш
2. Э. Бадамсамбуу 
3. Э. Олонбаатар
4. Б.Ичинхорлоо
5. Б.Сэнгээ

Монголын Мэргэшсэн Орчуулагчдын Хөгжлийн Холбооны

ГИШҮҮДИЙН ЖАГСААЛТ

 энд дарна уу

ЗОРИЛГО

Монголын Мэргэшсэн Орчуулагчдын Хөгжлийн холбооны эрхэм зорилго нь мэргэшсэн орчуулагч бүхэнд эх Монгол хэлээ зөв сайхан хэрэглэх, хэл соёлоо төлөвшүүлэх, үнэн зөв, оновчтой, уран сайхан орчуулга хийх чадвартай болгоход оршино.

Эрхэм зорилго

Дэлхий дахинаа тархсан Монгол угсаатай хүн бүрийг хэл, соёлоор нь нэгтгэх.

Зорилт, үйл ажиллагаа

-       Монгол хэлний үгсийн санг хамгаалах;

-      Ижил төстэй зорилго бүхий дотоод, гадаадын болон олон улсын байгууллагатай харилцаа холбоо тогтоох, тэдгээртэй хамтран ажиллах;

-       Өөрийн үйл ажиллагаатай холбоотой мэдээ мэдээллийг боловсруулах, бүрдүүлэх, олон нийтэд лавлагаа өгөх, сурталчлах, танилцуулах;

-       Гишүүдийнхээ хууль ёсны эрх ашгийг хамгаалах, мэргэшлийн ур чадварыг дээшлүүлэх;

-       Төрийн болон хувийн, төрийн бус байгууллагуудад шаардлагатай орчуулагчийн боловсон хүчнээр хангах;

-         Монгол угсаатай гадаад иргэдийг дэмжиж тэр дундаа Монгол үндэсний бичиг эзэмшсэн мөн иргэдийг бүх талаар дэмжих;

-        Орчуулагчдын нэгдмэл байдлыг хангах;

-       Монголын орчуулагчдын нэгдсэн бүртгэл, судалгаа хийхэд чиглэнэ.