Албан ёсны нийтлэг орчуулгын үйл ажиллагаа эрхлэх

мэргэшлийн шалгалтын удирдамж

Монголын Мэргэшсэн Орчуулагчдын Хөгжлийн холбоо /цаашид ММОХХ гэх/ нь тус холбооны нэрийн өмнөөс албан ёсны нийтлэг орчуулгын үйл ажиллагаа эрхлэх эрхийг олгож байна. Тус холбооноос тавьж буй мэргэшлийн шалгуур хангасан иргэн, хуулийн этгээд нь ММОХХ-ны гишүүн, орчуулагч болж орчуулгын товчооны гэрчилгээ, үнэмлэх, тамга, тамганы цахим хувилбарыг хугацаагүй эзэмших эрхийг эдэлнэ. Шалгаруулалтад оролцох хүсэлтэй иргэд орчуулгын үйл ажиллагаа биечлэн хийх хүний анкет  бөглөж дараах материалыг хавсаргана.

Хувь хүн бол:

- Хэлний чиглэлээр эзэмшсэн боловсролын баримт

- Өмнө нь орчуулсан материал /нэгээс доошгүй хуудас эх материалын хамт/

- Боловсрол, ажлын туршлагын тухай товч намтар /CV/

- Эрх хүсэгчийн иргэний үнэмлэхийн хуулбар, цээж зураг

- 2025 оны 11-р сарын 11 өдрийн №У/111 тоот УЗ-н тогтоолоор Монгол угсаатай гадаад иргэн шинээр гишүүнээр элсэх бол орчин цагийн утга зохиолын Монгол хэл /яриа/, кирил эсхүл үндэсний бичгийн аль нэгийг эзэмшсэн байхыг шаардана. Тодруулбал Монгол бичиг эзэмшсэн бол кирил бичиг эзэмшсэн байхыг шаардахгүй.

Байгууллага бол:

Улсын бүртгэлийн гэрчилгээний хуулбар, эрх хүссэн тухай албан бичгийн хамт info@mmoxx.mn хаягаар илгээж 99083832, 9444 4044, 7000 0058 дугаартай утсаар мэдэгдэнэ үү.

                       info@mmoxx.mn                      

       b.sengee@yahoo.com    

        wxid_nyz6axy5dszm22        

     Албан ёсны нийтлэг орчуулгын үйл ажиллагаа эрхлэх шалгуурын шаардлага хангасан иргэн, хуулийн этгээд нь ММОХХ-ны гишүүнээр элсэх бүртгэлийн хураамжийг тушааснаас хойш ажлын 2 хоногийн дотор ММОХХ-ны гишүүний гэрчилгээ, үнэмлэх, орчуулгын товчооны тамга түүний цахим хувилбарын хамт гардан авна. ММОХХ–ны гишүүн, орчуулагч нь Монгол Улсын хууль тогтоомж,  тус холбооны Удирдах зөвлөлөөс баталсан бусад дүрэм, журамд заасан эрх эдэлж, үүрэг хүлээнэ. 

Энгийн гишүүнээр элсэхэд хураамжгүй ба дээрх бүтээгдэхүүнийг эзэмшихгүй болно.     

     Хүний хувийн мэдээлэл хамгаалах тухай хуулийн 7-р зүйлд заасны дагуу Монголын мэргэшсэн орчуулагчдын хөгжлийн холбоо нь гишүүдийн мэдээллийг боловсруулж аливаа нууцыг чандлан хадгална.